Чарли XCX-н өөрийн шинэ үеийг тодорхойлсон Brat цомог

Поп хөгжмийн орчин үеийн хамгийн зоримог, туршилтлаг уран бүтээлчдийн нэг Чарли XCX өөрийн шинэ үеийг тодорхойлсон Brat цомгийнхоо ард ямар гүн хувийн түүх нуугдаж байсныг хуваалцжээ. Түүний хэлснээр энэхүү цомог нь зөвхөн поп хөгжмийн шинэ чиг хандлага төдийгүй өөрийгөө танин мэдэх өөрийн дуу хоолойг таниулах тэмцлийн үр дүн байв. Холимог гаралтай эмэгтэй уран бүтээлчийн хувьд “хүлээн зөвшөөрөгдөх” тэмцэл.

Чарли XCX олон жилийн турш хөгжмийн салбарын тод од байсан ч өөрийн хувийн аялал дээр тэр дандаа өөрийгөө “хангалттай биш, энэ орон зайд би бүрэн хамаарахгүй” гэж мэдэрч ирсэн гэдгээ илчилсэн.Тэрээр нэгэн ярилцлагадаа: “Холимог гаралтай эмэгтэй хүний хувьд би заримдаа өөрийгөө хэн ч биш мэт мэдэрдэг байсан. Музик хийх оролдлогууддаа ч гэсэн би бүгдээрээ над руу нэг нүдээр харж, намайг яг хаана байрлуулах гэж байгаа бол? гэж боддог байсан. Энэ дарамт, үл мэдэгдэх “хаана ч хамаарахгүй” мэт мэдрэмж түүнд энэ бүгдийгээ уран бүтээл болгож хувиргах эрч хүч болжээ.

Brat — Өөрийгөө олсон, өөртөө үнэн байх зориг өгөх цомог

Түүний 2024 оны хит болсон Brat цомог нь зөвхөн шуугиан тарьсан mainstream pop аялгуу биш харин өөрийн “өнгөрсөн зовлон, эргэлзээ, дарамтыг бүтээлч хүч болгон хувиргасан” илэрхийлэл юм.Тэр энэхүү цомогт өөрийн өөрийгөө үнэлэхүй, эмэгтэйлэг байдлын олон өнгө, олны хараанд өсөж төлөвшсөн хүн байхын дарамт, мөн өөрийн соёлын хоёрдмол байдал зэргийг ил тод, шулуухан хэлбэрээр шингээжээ.Чарли XCX энэ цомгийг “зэвүүн, ширүүн, эмэгтэй хүний хүчирхэг нээлт” гэж тодорхойлсон нь ч учиртай.

Хүлээн зөвшөөрөгдөөгүй мэдрэмж → Бүтээлч эрх чөлөө

Тэрээр хүлээн зөвшөөрөгдөх гэж оролдохын оронд өөрийн бодит сэтгэл хөдлөлийг дуу болон визуал арт хэлбэрт оруулах нь түүнд жинхэнэ эрх чөлөө өгсөн гэж хэлсэн.“Миний хийж буй дуунд надаас өөр хэн ч тав тухтай байхаар зорьсон зүйл байхгүй. Би өөрөө л түүнийг мэдэрч байх ёстой.”Ингэснээр Brat цомог нэгэн төрлийн хувийн манифест, өөрийн дуу хоолойг хүлээн зөвшөөрүүлэх тэмцлийн гэрч болж байгаа юм.