Маршон Книйлэндын дурсгалд — Түүнийг нас барснаас хойших анхны тоглолтод баг нь хүндэтгэл үзүүллээ.

Даллас Ковбойс баг Маршон Книйлэндийг нас барснаас нь хойш 12 хоногийн дараа болсон анхны тоглолтдоо халуун дулаан, хүндэтгэлтэйгээр дурсан тэмдэглэлээ.Түүний зурагтай цамц, дугаарын наалт, дурсгалын булан:

11-р сарын 17-нд Лас-Вегасын Рэйдерс багтай тоглохоор талбайд гарахдаа тоглогчид каскныхаа ард “94” дугаартай жижиг наалт зүүжээ. Тоглолтын өмнө тамирчид болон ажилтнууд Книйлэндын царайтай, “2001–2025” гэж бичсэн хөх өнгийн цамц өмсөн талбайд гарсан байна. ESPN-ийн тайлбарлагч Лиза Солтерсийн мэдээлснээр, Книйлэндын #94 дугаартай жэрсийг зочин багийн хувцас солих өрөөнд өлгөж тавьсан байжээ.

“Өнөөдөр бол ахыг маань хүндэтгэх өдөр”

Дак ПрескоттБагийн ахлагч, квотербэк Дак Прескотт тоглолтын өмнө багийнхаа дугуй хэлэлцүүлгийн үеэр: “Өнөө орой бол ахынхаа дурсгалыг хүндэтгэх өдөр” гэж хэлсэн байна.Тэрээр бугуйндаа Книйлэндийн дуртай үг болох “One Love” гэж бичсэн цагаан тууз зүүсэн байжээ. Прескотт өөрийн ахыг амиа хорлосноор алдсан тул энэ үе түүний хувьд ихэд сэтгэл догдлом байжээ.

Рэйдерс багийн дэмжлэг

Тоглолт Ковбойс багийн талбай дээр болоогүй ч Рэйдерс багийн тоглогчид, дасгалжуулагчид халаалтын үеэр “Call An Audible” гэсэн бичигтэй цамц өмсөж, ард нь 988 — Сэтгэлийн хямрал, амиа хорлохоос сэргийлэх тусламжийн утасны дугаарыг бичсэн байв.

Талбай дээрх дурсгалын мөч: Тоглолт эхлэхийн өмнө цэнгэлдэх хүрээлэн бүхэлдээ чимээгүй хүндэтгэлийн мөч зарлаж, Книйлэндын гэрэл зургуудыг дэлгэцээр үзүүлсэн байна. Үүний дараа The War & Treaty хамтлаг бахархалтайгаар АНУ-ын төрийн дууллыг дуулжээ. Тэдний ард мөн Книйлэндын жэрси өлгөөтэй харагдсан байлаа.