Амьдрал гэдэг урт аяллын хамгийн чухал хүч, хөдөлгөгч эх үүсвэр нь хүний хүсэл мөрөөдөл юм.

Мөрөөдөлгүй хүн бол залуургүй завьтай адил хаашаа явж буйгаа мэдэхгүй, ирээдүйгээ тодорхойлж чадахгүй байдаг. Харин зорилго гэдэг нь мөрөөдлийг бодит болгон хувиргах зам, чиглүүлэгч залуур юм.

1. Хүсэл мөрөөдөл

Хүсэл мөрөөдөл нь хүн бүрийн зүрхэнд байдаг асахад бэлэн гал билээ. Тэр гал асах үед хүн өөрийн бололцоонд итгэж эхэлдэг. Хийгээгүй зүйлдээ харамсахаас илүү хийж үзэх хүсэл төрж өдөр бүрийн жижиг алхам ч ирээдүй рүү ойртуулж байгааг мэдэрдэг. Мөрөөдөлтэй хүн үргэлж өсөж, суралцаж, өөрийгөө нээж байдаг. Учир нь тэр ирээдүйн өөрийнхөө дүрийг аль хэдийн төсөөлсөн байдаг.

2. Зорилго бол мөрөөдлийг бодит болгох хүч.

Зорилго бол мөрөөдлийг зүгээр нэг төсөөлөл биш, биелж болох бодит үр дүнд хүргэдэг системтэй үйл явц юм. Зорилготой байх нь амьдралыг эмх цэгцтэй болгож, чиглэлээ зөв тодорхойлж, алхам алхмаар урагшлах боломж олгодог. Сорилт бэрхшээнийг даван туулах сэтгэлийн тэнхээ өгдөг. Зорилго нь хүнийг өөрөө өөрийгөө удирдан чиглүүлэх дотоод компас болдог.

3. Хүсэл мөрөөдөл, зорилготой хүн ямар байдаг вэ?

Ийм хүмүүс:Амьдралынхаа хариуцлагыг бусдад үүрүүлдэггүй өөртөө авдагАливаад идэвхтэй, бүтээлч ханддагХүнд нөхцөлд ч бууж өгөлгүй дайран давдагСэтгэл хангалуун, утга учиртай амьдардагТэдний амьдралд эрч хүч, зорилго, утга учир бий.

4. Хүсэл мөрөөдөлгүй байх нь яагаад аюултай вэ?

Ямар ч хүсэл мөрөөдөлгүй хүний амьдрал:Давтагдсан, уйтгартай хэвшил болон хувирдагБусдын амьдралаар “урсгалд дагаж амьдрах” шинжтэй болдогИрээдүйд итгэх сэтгэл багасдагӨөрийгөө үнэлэх үнэлэмж сулардагМөрөөдөлгүй хүн хүссэн зүйлдээ хүрэх боломжоо өөрөө хаадаг.

5. Хүсэл мөрөөдлөө хэрхэн тодорхойлох вэ?

Өөрөөсөө “Би юунд дуртай вэ?” гэж асуух хэрэгтэй. Сэтгэлийг цаад мухарё бяцхан ч болтугай хүсэл мөрөөдөл байж л байдаг.Тэгэхээр юун түрүүнд өөрийн чадвар, давуу талаа тодорхойлж чиний дотоод хүн юуг мөрөөдөж байна гэдгийг сонс.Том мөрөөдлөө жижиг зорилт болгон хувааж алхам алхамаар төлөвлө. Өдөр бүр бага ч гэсэн алхам хий. Мөрөөдөл бол үүлэн дээрээс олдохгүй, дотоод сэтгэлээс чинь төрдөг зүйл.

6. Дүгнэлт

Хүн хүсэл мөрөөдөл, зорилготой байх нь амьдралд утга учир, эрч хүч, урагшлах хүч өгдөг. Мөрөөдөл бол эхлэл, зорилго бол зам, өөртөө итгэх итгэл бол хөдөлгүүр юм. Эдгээр гурвыг нэгтгэвэл хүн юу ч хийж чадна.