Дэлхийд алдартай K-pop хамтлаг BTS 3 жил 9 сарын дараа бүрэн бүрэлдэхүүнээрээ эргэн ирж, шинэ 5 дахь цомог болон Дэлхийн аяллаа эхлүүлэхээ албан ёсоор зарлалаа. Энэ мэдээг BIGHIT MUSIC продюсер болон уран бүтээлийн баг олон нийтэд албан ёсоор хүргэжээ.
Шинэ цомог нь 14 дуу бүхий бүтээлүүдээр дүүрэн бөгөөд гишүүд бүрэн бүрэлдэхүүнээрээ уран бүтээлд идэвхтэй оролцож, өөрсдийн бодол, өнгө төрхийг шингээсэн байна. Цомог нь BTS-ийн урлагийн замналын туршид туулсан сэтгэл хөдлөл, бэрхшээлийг хөгжмөөр дамжуулан илэрхийлж, шүтэн бишрэгчид буюу ARMY-д зориулсан чин сэтгэлийн түүхүүдийг агуулжээ.
Мөн цомгийн нээлтийн дараа BTS дэлхийн аялалаа эхлүүлэх бөгөөд аяллын хуваарийг 1-р сарын 14-ний 00:00 цагт зарлана гэж BIGHIT MUSIC мэдээлсэн байна. Энэхүү дэлхийн аялал нь BTS-ийн шинэ эхлэл, уран бүтээлийн шинэ үеийг илтгэх төдийгүй фэнүүдийг дэлхийн өнцөг булан бүрт холбох зорилготой юм.
BIGHIT MUSIC мэдэгдэлдээ:
“Удаан хугацаанд тэвчээртэй хүлээсэн бүх ARMY-д чин сэтгэлийн талархал илэрхийлье. BTS шинэ эхлэлээ эдгээр сурталчилгааны үйл ажиллагаагаар эхлүүлж буйд та бүхэн халуун дэмжлэг, хайр харамгүй үзүүлнэ гэдэгт итгэж байна” гэжээ.
Шинэ цомог болон дэлхийн аяллын мэдээлэл нь BTS-ийн хөгжмийн шүтэн бишрэгчдэд томоохон баяр баясгалан, мөн хамтлагийн урлагийн хувьд шинэ үеийн эхлэл болохыг харуулж байна. ARMY-ууд удахгүй болох шинэ уран бүтээл, дэлхийн аялалд халуун сэтгэлээр хамрагдах боломжтой болжээ.
Сэтгэгдэл ачаалж байна...