Попын од Ариана Гранде 2026 оны Critics Choice Awards шагнал гардуулах ёслолын улаан хивсэн дээр шинэ стиль, имижээ анх удаа танилцууллаа. Олон жилийн турш Glinda Blonde буюу гүн хөнгөн шаргал үстэйгээрээ танигдаж байсан Ариана энэ удаад хамгийн гүн хар үстэйгээрээ гарч ирснээр үзэгч, фэнүүдийг гайхшруулжээ.
Улаан хивсэн дээр Ариана шулуун, урт хар үс, минималист даашинзтайгаар гарч ирсэн нь түүний шинэ имижийг улам тодотгосон юм. Шүүмжлэгчид түүнийг энэ шинэ дүр төрх нь илүү хүчирхэг, насанд хүрсэн, уран бүтээлчийн имижийг илтгэж байгааг онцолж байна.
Тэрбээр улаан хивсэн дээр олон хэвлэлийн камерын өмнө инээмсэглэн алхаж, шинэ имижээ тайзнаас харуулснаар Critics Choice Awards 2026-ыг сонирхолтой, өнгөлөг мөчөөр эхлүүлсэн гэж үзэж байна. Энэ алхам нь түүний хувийн хэв маягт томоохон өөрчлөлт болж, олон нийтийн сонирхлыг ихэд татлаа.
Арианагийн стиль шинэчлэлт нь зөвхөн үс болон хувцасны сонголт биш, харин тэр өөрийн дүр төрх, хувийн имижийг дахин тодорхойлж, шинэ алхам хийж байгаагийн бэлгэ тэмдэг болсон үйл явдал гэж олон нийт дүгнэж байна.
Сэтгэгдэл ачаалж байна...