MADEIN багийн томоохон өөрчлөлт: Suhye болон Yeseo багийг орхиход ойртлоо
Олон улсын K-pop охидын хамтлаг MADEIN томоохон эргэлтийн цэгтэй нүүр тулж байна. Арван хоёрдугаар сарын 26-нд гарсан мэдээллээр, багийн Солонгос гишүүд болох Suhye болон Yeseo нар агентлагтайгаа хамтлагаас гарах талаар эцсийн хэлэлцээ хийж байгаа аж. Хэрэв энэ шийдвэр албан ёсоор батлагдвал MADEIN зөвхөн Японы гишүүдтэйгээр үйл ажиллагаагаа үргэлжлүүлэх нөхцөл байдал үүсэх юм.
MADEIN нь 2024 оны есдүгээр сард олон улсын төсөл хэлбэрээр дебют хийж, LIMELIGHT-ийн гишүүд болон Kep1er хамтлагийн Mashiro, Yeseo нарыг нэгтгэсэнээр ихээхэн анхаарал татсан. Гэвч хамтлагийн үйл ажиллагаа дебютээсээ хойш тогтворгүй байдалд орж эхэлсэн.
2024 оны арваннэгдүгээр сард гишүүн Oh Gaeun хамтлагийг орхиж, 143 Entertainment-ийн гүйцэтгэх захирал Lee Yonghak-ыг ноцтой хэрэгт буруутгасан нь олон нийтийн дунд маргаан дэгдээсэн. Агентлаг уг мэдээллийг үгүйсгэсэн ч энэ үйл явдал MADEIN-д томоохон цохилт болсон юм.
Үүний дараа хамтлаг зургаан гишүүнтэйгээр дахин зохион байгуулагдаж, “MADEIN Forever” нэртэй цомгоо энэ оны хоёрдугаар сард сурталчилсан. Гэвч тавдугаар сард Suhye хувийн шалтгаанаар тодорхойгүй хугацаанд завсарлага авснаар MADEIN бүрэн бүрэлдэхүүнээрээ эргэн ирж чадалгүй өнөөг хүрчээ.
2025 оны сүүлээр Suhye болон Yeseo нар өөрсдийн сошиал медиа профайлаас MADEIN-тэй холбоотой мэдээллийг устгаж, ажлын шинэ холбоо барих хаяг нийтэлсэн нь тэдний хамтлагаас гарах шийдвэрийг бараг баталгаажуулж байна. Мөн энэ оны эхээр CEO Lee Yonghak албан тушаалаасаа буухаа мэдэгдсэн нь агентлагийн дотоод өөрчлөлтийг илтгэжээ.
Сэтгэгдэл ачаалж байна...